طول شعري
وطال معاه نَفَسي
توسعت معاه ألوان أنوثتي
وطلعت ألوان الورد في فساتيني،
أمد يديني بوسع عالمي "الكنكون"
المساحة اللي ترقص بينهم
بستان
أعرفه
من زمان،
بستان لذيذ جداً
اضطريت أرحل عنه شوي
عشان أرجع استمتع فيه أكثر.
طول شعري
وجاب معاه عيون ماي وطيور وفراشات
وأغاني من عبق رحمي
وبهجة من ضوا أحلامي
أغاني أغاني
أرقص فيها ومعاها..
شقد حلو
اني رجعت بهالقد لذة
لنفسي
مولي
١ ديسمبر ٢٠٢٢
No comments:
Post a Comment